البارحه كني عن النـاس معـزول=ماغير ادوج فـي بحـور القوافـي
جيت الهجيني قـال مانتـا بمقبـول=روح على المسحوب كلـه عوافـي
مايدري إني شاربه عرض ٍ بطـول=ولايـدري انـي ماعليـا خلافـي
فتحت كم بابٍ وهـو قبـل مقفـول=ماقـول مقفـول ٍ واعـود خلافـي
قال الهجيني هرجتك حـذره إطـول=بنشدك عن خمسه وجب علم وافي
الاوله دنياك قلـت اربـع افصـول=صيف وشتاء مابين بـردٍ وسافـي
ثم الربيع وفيـه خيـرٍ ومحصـول=يتـلاه فصـل ٍ يلحقـه بالجفافـي
والثانيه لاشفـت فالحـي مجمـول=مجملـه ربـي بحسـن الوصافـي
قلت ابتعد عنه ولـو فيـه مذهـول=واحد نفسي عـن دروب الهوافـي
من خلقتي للجار محفـول مكفـول=اللـي بحيـي بالـرداء مايشافـي
والثالثـه لا جـوك نقالـت القـول=قول ٍ يشيـب بالصغـار العطافـي
قلت الحكي مابين صعدات ونـزول=الناس منها واهـج النـور طافـي
ماني بتابع هـرج ناقـل ومنقـول=اهـل النمايـم ماتجينـي تخافـي
عندي لهم سيف ٍ شطيرٍ ومسلـول=يقطع لسان اللـي سعـى لتجافـي
والرابعه صاحبك لاصـار مشلـول=قلت الخوي مرتاح فـوق الكتافـي
اعلم خويي دايـم الـدوم مزهـول=قدره سوى مشلـول والا امتعافـي
والخامسه بالوصف قلي وشتقـول=كانك تجيد الوصف ذا الامـر كافـي
اوصف حبيك قلت هالامر محلـول=وصفه بسيط ولايبـي لـه حرافـي
فيه الحلا والزين كامـل ومدبـول=يدبل على المليـار عشـرة الافـي
بعطيك وصف الوجه والجسم والزول=وصف ٍ وفيـن ٍ بالحـلا مايعافـي
وجه القمر معروف ماهو بمجهـول=يسمعبه اللي صاب عينـه كفافـي
والحاجب اللي من نظر فيه مهبـول=يشبه غماد السيف والرمش غافـي
والعين سودا لنظـر فيـك مقتـول=سهمٍ يصيب القلب مالـه مشافـي
والخشم مثل السيف يقصربه الطول=والخـد تفـاح ٍ جديـد القطـافـي
راع الثنايا البيض والريق معسـول=وصغيرات ٍ حيـل حمـر الشفافـي
وعنقٍ طويلٍ بين الاكتـاف محمـول=عن البني معطيـه زيـنٍ اضافـي
وبياض زايد بالنحر غيـر معقـول=ونهد ٍ صغيـر ٍ بـارزٍ بانتصافـي
ورشيق خصر ٍ والظهر فيه معـدول=لاجاك يمشي فـي كبـار الردافـي
وانا ترى بالحـب مانـي بمسـئول=خلي بعينـي والرمـوش الالحافـي
قـال الهجينـي آه ياحـول ياحـول=من وصف خلك صابنـي ارتجافـي
لوجيت بحري هقوتي بحري يـزول=هـذي شهاداتي وهذا اعترافي

الشاعر محمد العيباني

قصيدة رائعة وذات نهج مميز

صح لسانك على هذا الإبداع

أتشرف بمتابعة جديد روائعك

الشاعر محمد العيباني

صح السانك ولا فض فوك

وهلك أعداؤك وحاسدوك

ولله درك للقصيدة الرائعة

وتقبل تحياتي
وهج

قصيدة تسـتحق التصفيــق

إعجابا واستحساناواحتفاء

لله درك وصح قلبك ولسانك

المشاركة الأصلية كتبت بواسطة احلام الماضي (المشاركة 144147) رائع رائع رائع صح لسانك .. أبيـآت جميله جدًا وربي يعطيك العافيه على الطرح المميز تحياتي

المشاركة الأصلية كتبت بواسطة غربة الروح (المشاركة 144173) مزبن الجاني صح لساانك رااائعه تحيتي

المشاركة الأصلية كتبت بواسطة ذكرى الغالي (المشاركة 144186) سلمت يداك صح لسانك واعتلى شانك تقديري واحترامي لشخصك وبوحك الراقي ذكرى الغالي

يسلمووووووووووووووووو أخوي

للـــنص الجميييييييييييييييييييييييييل

وللشـــــعر الرائع والأصييييييييييييل

المشاركة الأصلية كتبت بواسطة عبدالعزيز الفدغوش (المشاركة 144236) الرائع محمد العيباني صح الله لسانك وأجــدت في بيانك وبقي التمـــيز والاقتـــدار عنوانك وأعلى الرحمــن شــــــأنك وكيانك

المشاركة الأصلية كتبت بواسطة أشجان التميمي (المشاركة 144361) الشاعر القدير محمد العيباني صح إلسانك و فكرك وجملت في حرفك وشعرك

المشاركة الأصلية كتبت بواسطة نبض الشمال (المشاركة 144367) أحب قراءة الشــعر الممــــيز الذي يمثل الســــهل الممتنع ونصك من هذا القبيل لله درك

المشاركة الأصلية كتبت بواسطة علي القحطاني (المشاركة 144465) محمد العيباني صح لسانك تقبل مروري

المشاركة الأصلية كتبت بواسطة عالية التميمي (المشاركة 144630) صح إلسانك وسلم بنانك ونص أكثر من رائع تسلم أخوي محمد

المشاركة الأصلية كتبت بواسطة شعاع الصباح (المشاركة 144677) الأخ الشاعر محمد العيباني قصـــــيدة جميله وإحساس رائع صح السانك وعلا قدرك و شانك

المشاركة الأصلية كتبت بواسطة بشاير الصباح (المشاركة 144691) قصيدة مميزة وجميلة وحروف ومعاني أصيلة أجدت وأحكمت وأبدعت

المشاركة الأصلية كتبت بواسطة مرام العتيبي (المشاركة 144850) الشاعر محمد العيباني قصيدة رائعة وذات نهج مميز صح لسانك على هذا الإبداع أتشرف بمتابعة جديد روائعك

المشاركة الأصلية كتبت بواسطة سارة العتيبي (المشاركة 144872) نص فـــي غــاية الــروعـــة والجمال وفــي منــــــتهى التـميز والكــــمـــال لله درك شاعرنا المبدع في نظم الأمثال