تقلبات الأمواج ؟

ألفين عدا والسنين تعدي = والواحد وعشرين جانا بادي
ولافيه شك اليو غير الغدي= والعمر يفنى والليال إجداي
وعديت لكن العدد متعدي= والفرق واسع والديار إبعادي
وبحلت من بين الجزر والمدي= وإتقلب الأمواج والأرصادي
والموج يلطم والهواء مشتدي= ومتيح في رأس الطويل ينادي
فإن كان بعض الناس يسمع ردي= لا يقارن الهجري مع الميلادي
لا جاء الصحيح وجاء كلام الجدي= الأطلسي ربع المحيط الهادي
ومتيح أنا أدري فيه ماهو قدي= غادي ومن يسمع كلامه غادي
والشعر لي من ساس أبوي وجدي= والعلم علمي والشداد إشدادي
تاريخنا بالمعرفة ممتدي= ماهو بديعة ورثوه أجدادي
ولاني بحال اللي تحزب ضدي= لو زادت الأعداد عندي عادي
واللي جرحني واحد ٍ مرتدي = يضرب على عوج الدروب إعمادي
طوفت له لاشك بيّح سدي= عنيد لا يساوق ولا ينقادي
وبغيت للموضوع حل ٍ ودي= لكن تمادى في خطاه وزادي
أبنصح المسرع عساه يهدي= عن لا يطيح من الجبل بالوادي
فإن كان حظ مسيلمة متردي= أبا أرجعه من رأس دون المادي
من خلقتي ما أسكت عن المتحدي= والبادي أظلم والخطأ للبادي
وخل ّ المودي للعلوم يودي= مذيع حزب البعث في بغدادي
ورزقي على اللي في يدينه مدي= سبحان من جوده علينا جادي
اللي ضمن رزقي وحلّل كدي= إرضاه غاية مطلبي وإمرادي
هذا وأنا ما أخطي ولا أقطع حدي= مسلم وسني والبلاد إبلادي