أتلع الجيد

الضيقة اللي كـل مالتـم الاشفـاق = جحدتها حتى أن صبري جحدنـي

ضيقة غرام وهجر وأطعون وأفراق = خلـت قوانيـن الأدب تفتقـدنـي

أصـارع الأهـات والهـم تفـاق = يصطي على قلبي غدر ويهجدنـي

يسترسل الأحزان مع قل الأوفـاق = على خفوقٍ فـي همومـه وجدنـي

وأنامـع الدنيـا والأيـام منسـاق = لو الفرح هـو والسعـاده حسدنـي

أطرد سراب العمر والوقت سـراق = الوقت قانونه زرعـت أتحصدنـي

وقت العنا وقت المصالح والأرهاق = مصالـح الدنيـا أفيـدك تفـدنـي

هذا وأنا لشوف أتلع الجيـد تـواق = اللي خفوقي مـن طواريـه لدنـي

مشتاق له لو دونه البعـد مشتـاق = أتنهـده وأقـول ياشـوق زدنـي

زدني وله زدني عن أفراقه أعتـاق = لقيـاه طـب وبلسـمٍ يعتمـدنـي

ماعادلي صبرٍ ولاالبعـد ينطـاق = البعد بعـد اللـي ببعـدي فقدنـي

لمواصله عقب البطا أثنـي السـاق = وأقول ياحبـل المواصيـل عدنـي

على وليفٍ خافقـي منـه بحـراق = حرق على قلبـي وبعـده لهدنـي

مرت سنة وأنا على جمر الأشواق= أنطر مراسيلـه مثـل ماوعدنـي