افجوج صدري كانت البارح اوسـاع
ليـن ابتـدا فجرالغرابيـل بطـلـوع
ولي إظهرت شمس الحقيقه على الأقاع
و عرفت بني كنت بالوقـت مخـدوع
ومن الندم عضيت عاروس الأصبـاع
واخذت من كاس الحسافات قرطـوع
ويوم إن مفتاح الفرج من يدي ضـاع
وحبل الرجاءبالياس قد صارمقطـوع
رقابي الهاجس على رجـم الوجـاع
فـي راس مرقـاب المعانـات وروع
وجلست اطالع كيف وش لون الوضاع
واراجع اللي فات موضوع موضـوع
ونسنس من الذكرى على البال ذعذاع
وحرك الهم ٍ داخـل القلـب مـزروع
وشبت لهايب نارمن بيـن الأضـلاع
عجزت تطفيهامـن اعيونـي إدمـوع
والله ماكـن القـدم تحتـهـا قــاع
من ضيق ٍ بصدري غدى اليوم مجموع
ماكنت احسب الوقت بيكـون خـداع
تغيب به شمس ٍ وتطفي بـه إشمـوع
فليت لأمالي وسـط بحـره إشـراع
وطارت به الرياحه بعد كان مرفـوع
</I>