لك مهرتن من بد الأزوال تهـواك=ولاغير شخصك فاز ورخى رسنها
علمتها تلعب على الكيف ويـاك=وروضتها ولاغير شخصك فتنهـا
امحجله تـورد عـدوك لـلأدراك=تاطا شخانيـب الرضـم مادفنهـا
لك هيبه العاشق بطلـت محيـاك=ولك عنفوان الفارس اللي زبنهـا
تقبع على غيرك وتطرب لملقـاك=ويمكن تحدت وقت ماهو زمنهـا
اكحيلتك رثما فـلا يـوم تنسـاك=وتحرم على غيرك يلامس بدنهـا
ان جيتها كل المشاعـر تمنـاك=وان رحت عنها يافتى الجود صنها
تطرب لصوتك واتمنـى حلايـاك=امـا معـك وألا تولـم كفنـهـا