مبروك يا نايـف وكـل التباريـك=مبروك ما سوّيت وانسرّت الحـال
مبروك ويا عسى المعـزّه تباريـك=ويزيدك ربّك من جزيلات الآفضـال
كمّلت نص الدّين بْنـص ٍ يماريـك=عساها وجه ٍ للسّعَد حِـل وترحـال
سبحان رب ٍ سدّدك فـي مقاريـك=منْها العيال ومنْك يالنّشمـي المـال
كل ٍ شهد لـك والجـداره تجاريـك=ياللي المعالي مسكن ٍ لـك ومنـزال
عز الله من عطاك بنتـه وشاريـك=يعرف قِدَرْك اللي يساوي له ارجَـال
هذا النّسيب اللي يْتوسّـم بطاريـك=النظره عنده ثاقبه ~ الحـق ينقـال
يوم الفرح ~ علا على المجد ساريك=وكل ٍ فرح بك من عمام ٍ مع آخـوال
والعز ساري في عمـوم المداريـك=متوقعينـه فـي مصادير مـدهـال
عساها تبقـى بصمة ٍ في مذاريـك=وعسى الله يبعد كل هم ٍ وغربـال
بحر المودّه ترتفـع بـه صواريـك=و عين ربّك تحْرِسِـك دون الآنـذال
لآجلك أنا أكتب قصيدي وآداريـك=ياللي قصيدي يفتخـر بـك ولا زال
وعساك بدروب المفاخِر مشاريـك=وكل يوم ٍ فـي فـرح دوم منـوال
وعلى يديك اتحقق غايـة محاريـك=ونشوفك يا نايف على الخيـر دلاّل
حيثك فطين وناجح وذي جواريـك=لك منهج ٍ واضح كما سيرة آبطال
نطلبك يا ربي يا منشي المطاريـك=تزيد من فضلك على راحـة البـال
وصلاة ربّنا اللـي مالـه شواريـك=على نبيّه والصّحَـب وآيضـاً الآل