تقهويني فناجيلك غلا ومارد لك فنجال =لك الله لو تمر سنين ماهزيت فنجالك
احبك كثر ماتحن الطيور لقصة الترحال =وكثر ماتعودت نفسي على بعدك وترحالك
ينام الشوق في حضن الخفوق ويحتريك البال =على درب العروق اللي سلكته أنت بالحالك
غرامك مابقى منه سوى وردة وقطعة شال =يجف الورد بس اسمك بشالي ينطر وصالك
قضى عمري وانا نفسي سجينة في غرام اطفال =تمنيتك سكن عمري وانا اللي احمل اطفالك
ولكن مرت سنيني وحلمي في لقاك اغتال =ولا باقي سوى شعري نقشته فوق تمثالك
ومات الصبح في لون الغروب وكل حزني جال =بنفسٍ دوم تدعي لك عسى فال السعد فالك