عبدالعزيز الفدغوش
سلام تسليمة ٍ والشعر جاله مجال = والطرق مفتوح للي ما يجيب الهزيل
للشعر تصوير وآمال ٍ وروح وخيال= ومن فيض غثه نصفي يا جماعة قليل
أحلام مؤجلة
يامرحبا مع هلا .. بك ياكريم الخصال = والشعر هو لعبتك وان كان حمله ثقيل
مثل الدوا للوجع علقم وشربه حلال = يشفي عليل القلب ،،، لو مرّ عابر سبيل
عبدالعزيز الفدغوش
يا سيّدة ملعبة شعر الوفاء والجمال = جدتي وفدتي بطرق ٍ مثمر ٍ بالحصيل
شفنا وعفنا من التلميع شرق وشمال = وعلاقة المصلحة قامت تحط وتشيل
أحلام مؤجلة
الامر واضح ولا به فلسفة او جدال = مايلمع الا الذهب وان سام سعره بخيل
منهو يروم الشرف يحذر دروب الخمال = درب المصالح زلق لابد يومٍ يميل
عبدالعزيز الفدغوش
سوق الأدب حل ّ به دفع الذهب والريال = وساد الملاعب رضا وغلوم وأيضا نبيل
ما ذاد عن منهله يا أحلام راعي حلال = وأضحى مدار ومسار المنتفع والدخيل