يا مأشرٍ بيديك ماعندي أخبـار= لا تنشد المهمـوم عـما جرالـه
يادقبه هاجوس مايدري اش صار= ما كن حولـه نـاس ولاحدٍ قبالـه
وليا أنتبه من ونته يزعج الجـار= لـوه ابلـذ النـوم كنـه دعالـه
أو ونة المكسور ماحوله اجبـار=بأرضٍ خلا خلـوه ربعـه الحالـه
ينوح نوح الورق في عال الأشجار=ويصفق بكفه من يميـن لشمالـه
هيضت مكنون الحشا صغار وكبار= يبي ابوح ابهاجسي مـن هبالـه
لاتهيض المسكين ياميـت النـار= شكواي للمعبود عز مـن شكالـه
هذا الذي عندي وش صار ماصار= ياصارمـا يعنيـك مالـك ومالـه
يالله ياعالـم خفيـات الأســرار= تفرج لمن هو كايد الهـم شالـه