ليتني

يا ليل قلبي ليتني بس ألقاك =وأعطيك أيامي وزهرة سنيني
وأعطيك أشواقي ولا مرة انساك =وأعطيك ميثاقي وأحلى ظنيني
كل المسافة بيننا تهون لاجلاك =قلبي وروحي والحشى يا حنيني
ماهم قلبي غير بعدك وفرقاك =وما هز روحي غير لحظة تجيني
انسى همومك وأتغنى بذكراك =والقى خيالك في الهوى تحضنيني
وارتاح لحظة نعزف الحب وأهناك=واعطيك وردة للهوى تذكريني
ما لوم قلبي لو نطق لاجل لقياك =وانسل مني لاجل ما تلتقيني
ارتاح بأسمك نعمه الي تسماك =وأشوف رسمك عندما تذكريني
انسى همومك ريح البال لاجلاك =همسك وبسمك في اللقاء يحتويني
يا اجمل خليقة جله الي تسماك =وابدع وصوفك كيف لو تعشقيني
كل الهدايا تبتسم لأجل لمساك =والعمر هين يأأجمل القد جيني
انسى بك الضيقة واسترح حين همساك =وانسى همومي والعمر يحتويني
عيشت قلبي بين بعدك وذكراك =والصد منك في الهوى يكتويني
احرق فؤادي كيف أنا عيش وأنساك =واسكن خفوقي ليت ما تعرفيني
قلبي وروحي في الليالي تمناك =والشعر لاجلك كل لحظة يجيني
كيف المسافة لو تغنى تحداك =ليت الليالي كلمة تسمعيني