ناسـيني ولاّ انت متناســي=ولاّ أنا لك مـــــثل هالناس
يا من غرامك لي انفاسي=بس ارفق بغصة الأنفاس
من عالمي أنت حرّاسي=وانا عيوني معك حرّاس
يا جوهري لولي و ماسي=منّك تجي روعة الألماس
يا مالك أسطول احساسي=يا بلسم القلب والإحساس
في خافقي ثابت و راسي=وبالعين اشيلك وفوق الراس
يا عالمي كوني و ناسي=بس انت عيني من الجلاّس
يا شوقي و بالوله باسي=شوفك دوى علتي والبأس
انت انت شفّي و نوماسي=يا نشوة الروح والنوماس
حتى ولو كنت متناســي=ولاّ أنا لك مـــــثل هالناس