سبحان من يرجع له الأمر سبحان = رب ّ العباد اللي لحكمه مطيعين
باسمه وذكره يختفي كل شيطان = يهوّن الكربة ويخزي الشياطين
بديت فيه وصغت جزلات الألحان = وكوّنتهن في شرح الأوضاع تكوين
ماني سياسي والسياسة لها شان = وثقافتي وسياستي بين قوسين
ومعنى السياسة نصب في بعض الأحيان = تصلح بها الخدعة وقلب الموازين
بغيت أهدف لي على رأس نيشان = وقلت أجل ّ الموضوع وأقول بعدين
لكن سمعت أسم ٍ مسميه غلطان = الاسم ما يناسب كلام المسمين
قالوا ربيع وقلت كذب ٍ وبهتان = هذا ربيع ٍ شين في واقع ٍ شين
عجاج وأمحول وعواصف وفيضان = وزلازل ٍ منها تثور البراكين
ما نشاهد الا بالمحطات نيران = فوق الجبال وبالنهر والبساتين
والجو متلوث وحرايق ودخان = وأمراض عصر ٍ راح منها كثيرين
وأحزاب تدخل بالمذاهب والأديان = عناصر ٍ لأهداف ماهم نظيفين
ومجازر ٍ بسلاح من كل الألوان = ومشاكل ٍ عمّت جميع البلادين
وقنابل ٍ تذبح عجايز وشبان = وأكبر حصيل المذبحة للمسنين
ومدافع ٍ ترزح وتهديم بنيان = واللي نجوا راحوا عن الدار لاجين
والوقت مجحف وأكثر الناس عدوان = ولو جاملوا بأسلوب ماهم نصيحين
وللصدق عنوان ٍ وللكذب عنوان = ومعلوم لأصحاب المصالح عناوين
واللي حصل كله من ذنوب الإنسان = ظلم البشر زمتاجر الناس بالدين
والسيل يجرف له منازل ووديان = وتضرروا من قو ّ سيله ملايين
قالوا سيول ٍ غرّقت كل ميدان = وجاها عجاج وحوّل السيل للطين
والأرض جرداء والمطر تقل ما كان = منافعه للأرض شحّت من سنين
بالعكس جاء زوده على الأرض نقصان = ومضرّته لأهل الحلال المربين
النبت ميّت والشجر في خبر كان = والماشية غير العلف مالها شين
ومصايب ٍ حلّت على كل الأوطان = وصارت مثل حرب اليهود لفلسطين
قدرة من اللي مالك ٍ كل الأكوان = اللي لحكمه يخضون السلاطين